EGITASMOA

“Agurainen 75 Ordu Euskaraz” ekimenaren bideo-dokumentala

“Agurainen 75 Ordu Euskaraz” ekimenaren bideo-dokumentala, sarean ikusgai

2018ko azaroan aktibazio olatu handi bat etorriko omen da Euskal Herrira. Agurainen, aguraindarrak aktibatzeko asmoz, 2016ko azaroan burutu zuten “Agurainen 75 Ordu Euskaraz” ekimena.

Ekimena autogestionatua eta autofinantzatu izan bazen ere, Arabako Foru Aldundiak proposatuta eta diruz lagunduta ekimena azaltzeko bideo dokumental bat ekoiztu dute, 20 minutukoa. Mikel Ezkerro eta Anton Mimentza dira egileak. Aguraindarren testigantzak, antolatzaileen adierazpenak, eszenifikazio batzuk eta Aguraingo irudi ederrez osatu dute dokumentala.

dav

Ekainaren 1ean Agurainen aurkeztu zuten bideoa. Harrera beroa izan zuen, 50 lagun inguru elkartu ziren proiekzioan. Aldundiaren ordezkarien presentziarekin, bideoa ikusi ondoren, egileen azalpenak eta herritarren bizipenak, oraingo beharrak eta iritziak trukatu zituzten ondorengo solasaldian.

Bideoa ikusgai sarean dago. Hona hemen linka

https://youtu.be/KCMaWAu-7zM

Advertisements
Standard
EGITASMOA

75 Ordu euskaraz ekimenaren balorazioak

Antolakuntzak baloratu du Agurainen 75 ordu euskaraz ekimena

2016ko otsailean Aguraingo hainbat euskaldunek Agurainen 75 ordu euskaraz ekimena proposatzea erabaki genuen. Euskararen ezagutza eta erabileraren artean dagoen desorekak kezkatuta, bertako euskaldunak ahalduntzea eta aktibatzea zen gure helburu nagusia, hau da, norbanakoen hizkuntza portaeretan eragitea. Oso errotuta ditugun hainbat hizkuntza ohiturak kezka sortzen zigun. Izan ere, portaera oker horiek erabilerari eragiten diote egunerokoan.
Sei hilabeteko prozesuaren ondoren eta azaroaren 8,9,10 eta 11n 75 ordu horiek burutu eta gero, antolakuntzak balorazioa egin du. Urtarrilaren 12an azalpenak eman zizkien Aguraingo herritarrei eta txostena idatzi dugu (deskargatu txostena hemen).

Ekimenak ondorengo asmoa zuen: norbanakotik abiatuta ahalduntze eta aktibazio kolektibo bat. Euskaldun helduentzako proposamen bat (Agurainen 5000 biztanle bizi dira, %29 euskalduna da, 18 urtetik gorako 800 euskaldun inguru kalkula dezakegu). Euskal hiztun kontzientzia daukanarekin, azaroan, lau egunez, egunerokoan, Agurainen euskaraz bizi ahal izateko ekimen bat; ez jai bat, ezta ekimenez beteriko lau egun ere. Euskara beharrezkoa egin nahi genuen. Euskaldunei eskatuz euskara edonon eta edonorekin erabiltzeko, eta erdaldunei eskatuz ahalegina egin dezatela bestea ulertzeko eta ez eskatzeko erdara pasatzeko. Hurbiletik, ingurukoengandik hasita, era gozo eta atseginean, naturaltasun osoz, asertibitatea erabiliz, adostuta, gogoa piztuz, baina guk euskarari eutsita, askatasunez.
Bi kanpaina ipini genituen martxan. Biak hizkuntzen pedagogia egiteko helburu genuen. Hau da, hainbat euskarri erabilita, euskaldunei gomendioak eman nahi genizkien euskarari eusteko eta erdaldunei gomendatu nahi genien erdarara pasatzeko ez eskatzeko solaskideari. NIK75 kanpaina euskaldunak ahalduntzeko eta aktibatzeko kanpaina zen, 284 lagunek konpromisoa sinatu zuten 4 egunetan zehar euskara guztiekin erabiltzeko. Beste aldetik, GUK75 kanpaina: erdaldunek, kolektiboek eta establezimenduek erraztasunak eman ditzaten euskaldunei euskara askatasunez erabiltzeko, elkarrizketa elebidunak sustatuz. 134 kolektibok eta establezimenduk konpromiso hori hartu zuten.

Ekimena bukatu ondoren, antolakuntzak bi kanpainak baloratu nahi izan ditu. Galdeketa, testigantza eta elkarrizketen bitartez parte hartzaileen iritziak jaso ditu. Motzean, hona hemen NIK75 kanpaina balorazio nagusiak:
-dagoeneko euskaldun praktikante dena aktibatzea lortu du ekimen honek.

-Ekimenak kolektibo bat aktibatzeko balio izan duela ondoriozta dezakegu, neurri batean behintzat.

-Egitasmoak ahalbideratzen du hizkuntza mudantzak egitea.
-Erabilera errazteko prestatzen diren eremuetan euskarazko harreman berri gehiago ematen dira. Gure kasuan merkataritza eta ostolaritza landu genuen eta hor irabazi dira gehien euskarazko harremanak.
-Euskaldun aktiboek duten jokaera, lehenengo hitza euskaraz esatea, aktibotzat hartzen dugu, baina oinarrizko aktibazioa besterik ez da errealitatean. Oinarrizko aktibaziotik euskara beharrezkora egitera tarte handia dago oraindik.
-Egindako pedagogia linguistikoa oso baliogarria gertatu zaie parte hartzaileei.
-Erdaldun kopuru bat egokitu da, beraz, aurrera begira aukerak daude pausuak emateko.
-4 egun horietan praktikan ipinitako portaera berriei esker irabazitako harremanak euskaraz jarraitzeko asmoa dute %87k.

Hona hemen GUK75 kanpainaren balorazio nagusiak:
-Ez zaie batere zaila suertatu antolakuntzak proposatutakoa egitea. Elkarrizketa elebidunak sustatzea zen helburu, euskara hitz egiten ez dutenen merkatarien artean
-Euskararen erabileraren gaia haien kolektiboan mahai gainean ipintzeko eskatu izana eskertu dute.
-Lau egun horietan establezimenduetan jendeak gehiago eskatu du euskaraz.
-6 hilabetetan antolakuntzak emandako euskara erabiltzeko gomendioak baliagarriak izan dira.
-Euskara errazteko portaerekin jarraitzeko asmoa dute.

Eta burutu ondoren zein ondorio geratu da Agurainen? Motzean, hauexek:
1.- Hainbat aguraindar ahaldunduta eta aktibatuta geratu da ekimena pasa ondoren. Honek erabileran eragina dauka gaur egun ere.

2.- Euskara erabiltzeko eta erabili ahal izateko inertzia soziala utzi du: erraztasuna, askatasuna.

3.- Aguraingo euskalgintza aktibatu egin da. Eragiten jarraitzeko asmoa dauka.

4.- Agurainen erabileraren inplementazio aurrerakoiak martxan ipintzeko baldintza egokiak ditugu.
-Aguraingo euskaldun praktikanteen euskaraz bizitzeko nahia (284 sinatzaile) agerian utzi du ekimenak.
-Erdaldunen egokitzeko borondatea eta gaitasuna begi-bistan geratu da (134 erakunde, kolektibo eta establezimendu). Horrek adostasun soziala dagoela islatu du.

Standard
Agenda

Ostiralean amaitu ziren Aguraingo 75 orduak. Baina hau hasi baino ez da egin

Maiatzean hasi eta orain arte 75 orduekin bueltaka; NIK75 batetik, GUK75 bestetik, Telp tailerra, Zergatik ez? Agurain Ahaldundu, Agurain prestatu… Pasa den asteartean iritsi eta pasa dira jada 75 ordu horiek. Eta nola pasa gainera!

whatsapp-image-2016-11-12-at-09-55-412

Asteartean arratsaldeko 17.30ak aldera lehertu zen txupina Aguraingo zeruan 75 orduei hasiera emanez. 280 aguraindarrek euskaraz bizitzeko nahia erakutsi eta egun horietan hala egingo zutenaren konpromezua hartu zuten. Eta herriak halaxe egiteko baimena eman zuen.132 komertzio, taberna, elkarte eta establezimenduk euskarari trabarik jarri gabe bezeroak hartatuko zituztela zin egin zuten, nahiz eta kasu batzuetan beraiek hizkuntza ez jakin. Ostiralean, hilaren 11n, arratsaldeko 20.30ean eman zitzaion amaiera ekimenari modu xume  polit eta hunkigarrian; 200 lagunekin argazki kolektibo bat eginez.

whatsapp-image-2016-11-12-at-09-55-411

Kanpainak kolore bat izan badu berdea izan da hori. Berdez jantzi dira lau egunotan Aguraingo kaleak eta berdez jantzi nahi izan zen ostiralean San Juan enparantza ere. Lurrean marraztuta 75 handi bat, eta inguruan jende andana linterna bat eskuan zuela instrukzioen zain. Halako batean eliza ataritik globo berdeak atera ziren. Bakoitzari bana eman eta hauxe agindua: jar zaitezte 75aren barruan, osa dezagun 75 berde erraldoia!! Esan eta egin.

2016-11-11-agurainen-75-ordu-euskaraz-bukaerako-ekitaldia

Tente-tente, zintzo-zintzo jarri ziren denak eta prest zeudela zera entzun zen bozgorailuetatik: piztu linternak, eman argia euskarari!! Eta hortxe osatu zen 75 berde argitsu ederra.

 

Baina hau ez zen amaiera izan. NIK75 konpromezua hartu zuen bakoitzak badu bere barnean 75 berde argitsu eder hori. Asteartean gogotsu eta pozik atera ziren kalera Aguraindarrak. Euskaraz okindegira, loradendara, tabernara, gasolindegira zein harategira. Eta pozik egin zituzten asteazken goizean erosketak, euskaraz inolako arazorik gabe egin zituztelako. Hori da sentsazio orokorra momentu honetan: poza, gogoa eta ilusioa. Bakoitzaren hausnarketaren garaia iritsi da. Erronka indibiduala, lau egun hauetan egin den bezalaxe geure buruari jarritako mugen gainetik pasa eta euskaraz bizitzearen aldeko erronka.

 

Hau hasi baino ez da egin. Argi eta garbi esan zuten antolakuntzakoek ekitaldi amaierako testua irakurtzean: Behin betiko! Behin betiko! Sinple bezain tinko! Ez dugu etsiko! 75 orduz zein 365 egunez, EUSKARAZ TA KITTO!

cropped-2016-11-11-agurainen-75-ordu-euskaraz-bukaerako-ekitaldia-2.png

Hemen dago bukaerako ekitaldian irakurritako testuaren audioa eta testua:

https://drive.google.com/open?id=0B6pxO8MwfoyweGd1S293dWZNcTQ
Plazara, euskara plazara.

Hizkuntza gabe esaidazue

Nola irtengo naizen plazara.

Zenbat gara? Lau, bat,

Hiru, bost, zazpi.

Ez, 283 gara. 283!!

Bagare, bagera,

Bagire, bagara.

75 orduak amaitu dira,

Baina hau hasiera baino ez da izan.

—————————————–

Hasi etxetik eta kalera,

Hasi kaletik eta etxera.

Etxean, kalean, lanean, lagun artean,

Mendira joatean eta ohean sartzean.

Gau eta egun euskeraz bizi nahi dugu,

Euskaraz bizi goizean goizik,

Ez da amets bat, gure nahia baizik.

Eta nahia egi bihurtu da.

Olbean gora, Olbean behera,

Olbean gora ibili da euskara.

——————————————

Aguraingo herria

Benedika dadila,

Azken egunotan eman bait dio

Behar duen thornüia.

Ez al dakizu euskara dela

Agurain euskaldun egiten duena?

Zer Euskal Herri litzake

Bere hizkuntza ere galtzen duena?

Herri jakintza nahi dugu,

Eta jakintza herriarentzat nahi.

——————————————

Euskara, euskara,

Jalgi hadi plazara.

Plazara, tabernara, elkartera, dendara… 132 izan zarete bidea xamurtzen lagundu diguzuenak.

Euskara, jalgi hadi Aguraingo plazara.

Geure herriaren geroa bait gara.

Eta bai, (eta) bai,

guk euskarari bai ta bai.

Pausorik pauso beti bidea eginez,

Geroa irabazi behar dugu oinez.

Guk euskaraz, zuk zergatik ez?

Orduan izango bait du

Indarra eta kemena

Orduan emango bait du

Ugari bere fruitua.

——————————————-

Orain euskara da soa

Euskaraz doa pausoa

Euskara da itsasoa,

Zerua, lurra, auzoa

Euskara herrian dago

Euskaraz Agurain osoa

Eskuz esku eta azkar pausoa

Egin dezagun bide osoa.

Euskal Herrian euskaraz

Nahi dugulako hitz eta jolas

Lan eta bizi euskaraz

Eta hortara goaz!.

—————————–

Goizero, goizero,

AEKn bezero,

Batzuetan ero

Besteetan bero.

Baina bizirik nau

Eta holan sentitzen naz

Topera nau

Geur inork ez nau geldituko.

Ikusi

Ikasi

Entzun

Heldu

Eta ondo heldu

Hobeto heldu

Hona aukera: jalgi hadi euskaraz!

Laga erdara, bizi ganoraz.

Dantzan kalien

Danak begire

Dantzan kalien

Euskara da!

Euskara da!

—————————————-

Ateratzeko beldur zen, beldur eszenikoa

Aspaldi antzeztu ez duen obra honetan.

Baina izpi txiki txikiren bat

agertuz joan da aste hontan eta orain

poztasun handi batek besarkatzen gaitu.

Aguraindarron artean

orain lainorik ez da.

Borobildu dira ertzak, zuen ondoan.

Zaindu dezagun maite dugun hori.

Behin betiko! Behin betiko!

Sinple bezain tinko,

75 orduz zein 365 egunez,

euskeraz ta kitto!

 

Atzo iluntzean burutu zen 75 ordu euskaraz ekimenaren hasiera ekitaldia Aguraingo Zabalarte etxean. Ekimenean parte hartzeko konpromisoa sinatu dute kolektiboak bildu ziren batik bat, baina norbanakoak ere hurbildu ziren, guztira 120 pertsona inguru bilduz, antolatzaileen aurreikuspenak gaindituz. Hasiera, baina, atzo arratsaldean botatako suziriek eman diote ekimenari.

Standard
EGITASMOA

75 Ordu euskaraz ekimenaren hasiera

IMG-20160330-WA0000

100 pertsonetik gora bildu dira 75 ordu euskaraz ekimenaren hasiera ekitaldi hunkigarrian

2016-11-08-guk75-ekitaldia-kolektibo-guztiak

Atzo iluntzean burutu zen 75 ordu euskaraz ekimenaren hasiera ekitaldia Aguraingo Zabalarte etxean. Ekimenean parte hartzeko konpromisoa sinatu dute kolektiboak bildu ziren batik bat, baina norbanakoak ere hurbildu ziren, guztira 120 pertsona inguru bilduz, antolatzaileen aurreikuspenak gaindituz. Hasiera, baina, atzo arratsaldean botatako suziriek eman diote ekimenari.

dav

Kolektibo ezberdinei esker ona adierazteko ekitaldian, euskarari bidea ematea, hots, euren konpromisoa, sinbolizatzen duen alfonbra bereizgarri bat banatu zitzaien denda eta komertzioetan ezartzeko. Horrez gain, egun hauetarako hizkuntza gomendioak banatu zizkieten . Zizka-mizkak eta gero, banan-banan zerrendatu ziren kolektibo guztiak, eta alfonbrak banatu ondoren, argazki masibo bat atera zen, kolektibo bakoitzak ekarritako objektu adierazgarriak aurrean jarrita. Harrera ezin hobea eta herri mailako konfiantza izan ziren nagusi, hainbeste, ekitaldi “izugarria” izan zela zioten mezuak ugariak izan zirela.

dav

Arratsaldeko bost eta erdietan hasi zen euskaraz bizitzeko apustua, bota ziren suziriek iragarri bezala. Oraindik goiz bada ere emaitzak izateko, lehendabiziko mezuak positiboak izan dira, eta hainbat herritarrek aipatu egin dute establezimenduen inplikazioa, euskaraz guztiz jakin ez arren. Hizketaldiak mantentzeko joera nagusi izan da. Euskara ez dakitenekin, mimikaz, keinuen bidez, konpromisoa hartu duten norbanako eta kolektibo edo establezimenduek euskara erabili dute lehen egunean, eta jendearen positibotasuna aipagai izan da, bai ekitaldian zein hortik kanpo.

dav

Bestela ere, ekitaldian bertan adierazi izan da ere ekimen honen emaitzak luzera begirakoak direla, eta honek utziko duen “arrastoa” edo ohitura aldaketa izango dela benetako jomuga, dagoeneko sumatzen hasi den aldaketa.

Standard
Agenda

Aguraingo 130 kolektibo, erakunde eta establezimenduk erraztuko dute euskararen erabilera azaroaren 8a eta 11a bitartean

2016-10-28-azaroak-8-guk75-ekitaldia-eus

Agurainen 75 ordu euskaraz kanpaina azken txanpan da jada, aste bete baino ez baita falta azaroaren 8rako. 8an hasi eta 11ra bitartean Aguraingo 250 herritar inguruk euskara edozein esparrutara eraman ahal izango dute. Konplexurik gabe, lotsarik gabe, ausart egingo dute egunerokoan euskaraz, hizketakidea edozein dela ere.

Hau aurrera eraman ahal izateko ezinbestekoa izan da herriko negozio eta kolektiboek eskaini duten laguntza. Antolakuntza taldekoak herriko kolektibo eta negozioekin harremanetan jarri eta azaroko bigarren aste horretan zera egiteko eskatu zaie: jende aurreko arreta eskaintzen duten establezimenduei euskaraz eskatuz gero normaltasunez artatzeko (euskara-erdara elkarrizketa elebidunak sustatuz), kolektiboei egun horietan euren ekintzak euskaraz izateko eta beste elkarte batzuei beraien barruko harremanetan euskara lehenesteko.

Ehundik gora izan dira baiezkoa eman dutenak, 130 dira hain juxtu GUK75 sinatzaileak. Guzti horiek euskararen erabilera erraztuko dute, Aguraingo 130 kolektibo, erakunde eta establezimenduk euskararen erabilera errazteko konpromezua hartu dute. Bejondeizuela!

2016-10-28-guk75-saritzeko-ekitaldira-collage

Hori dela eta AGURAINEN 75 ORDU EUSKARAZek ekimenarekin bat egin duten kolektibo, erakunde eta establezimenduak saritu nahi ditu. Azaroaren 8an, asteartean, Zabalarte etxean esker oneko ekintaldi txiki bat egingo da arratsaldeko 20.30etan.

Zatoz!!

Informazio gehiago hemen
https://aguraineneuskaraz.wordpress.com/kolektiboakestablezimenduak/

Standard
Agenda

ZERGATIK EZ? Tailerra

Urriaren 20an Euskaraz, zergatik ez? tailerra Zabalarte etxean

Azken txanpan sartu da Agurainen 75 orduz euskaraz kanpaina. Hilabete eskas falta da azaroaren 8rako eta azken sprinterako beroketa lanak egiten dabil jada Aguraingo lantaldea. Datorren asteko ostegunean, hilaren 20an, Zergatik ez? tailerra eskainiko dute Euskaltzaleen Topagunekoek.

2016-10-20-zergatik-ez
Euskararen erabilera sozialaren inguruan hausnartzeko saioa da. Euskaraz bizitzearen aldeko argudioak eskainiko dira eta baita hausnarketarako arrazoiak eta gakoak jorratu ere.

Funtsean galdera hau planteatuko da: Zergatik ez kokatu euskara guztion elkargunerako, komunikaziorako hizkuntza gisa? eta galdera horri Zergatik ez? Bai horixe! erantzuna ematea da tailerraren helburua.

Ikastaroak Kataluniako Tallers per la Llenguak diseinaturiko tailerra dauka oinarri, gure ingurura eta hizkuntzara egokitua. Zabalarte etxean arratsaldeko 18.00tan izango da hitzordua, ilunabarreko 21.00ak arte.

Zatoz eta esan dezagun denok elkarrekin: Euskaraz? Zergatik ez? Bai horixe!!

Standard
Agenda

Festetan?? Euskaraz!! Nola ba?

Urriarekin batera iritsiko dira Aguraingo festak. Larunbatean arratsaldeko 19.00etan emango zaie hasiera 2016ko festei, eta aurten modu berezian gainera; Aguraindarrek euskaraz bizitzeko nahiari indartsu eutsi baitiote, eta herriko jaietan ere hori agerikoa izango da.

 

Banderinak, kamisetak, txapak… denetarik egongo da herrian euskaraz bizitzeko hautua egin dela jakinarazteko, baina euskaraz egin ahal izateko erraztasunak ere bai. 75 ordu Euskaraz kanpaina handi honen barnean, beste txiki bat jarriko da martxan: Eska ezazu euskaraz!

img-20160922-wa0001

Gauza jakina da tabernak gune oso garrantzitsuak izan ohi direla festetan, eta nahitanahiez tabernari eta txosneroak erreferente sozial bihurtzen dira egun batzutan bada ere. Hori dela eta, gune horiek izan ohi duten garrantzia baliatuz, bezero eta tabernarien arteko erlazioa euskaraz izan dadin bidea errazteko seinaleak jarriko dira.

img-20160922-wa0000

Herriko 19 taberna eta Txosnagunean zabalduko da kanpaina. Tabernariek, karteltxo bat izango dute paparrean. Kasuan kasu Euskaraz nahiago edo Euskaraz poliki izango dute. Bezeroek erraz eskatu ahal izateko, marrazkitxoen bitartez eskariak euskaraz nola egin adierazten dutek kartelak egongo dira tabernan. Eskaria egiteko oinarrizko hiztegia agertuko da bertan; mesedez, eskerrik asko, zenbakiak, garagardoa, kafesnea…

img-20160922-wa0002

Aitzakiarik ez festa euskaldunak bizitzeko!! Festa euskaradun eta sanoak opa dizkizuegu!!

Standard